മുനിസിപ്പല് ഗോള്ഡന് ജൂബിലി സ്മാരക കപ്പ് കെ.എസ്.ഇ.ബി ടീമിന് അഭിനന്ദനങ്ങള്
Posted on: 29 Aug 2010
കൊല്ലം: ആറാമത് മുനിസിപ്പല് സുവര്ണ ജൂബിലി സ്മാരക ഫുട്ബോള് കിരീടം തിരുവനന്തപുരം കെ.എസ്.ഇ.ബി. സ്വന്തമാക്കി. ഫൈ
നലിലും ടൈബ്രേക്കര് തന്നെയാണ് കളിയുടെ ഗതി നിര്ണയിച്ചത്. ഷൂട്ടൗട്ടില് ചെന്നൈ ഇന്ത്യന് ബാങ്കിനെ 4-2ന് തകര്ത്താണ് കെ.എസ്.ഇ.ബി. കിരീടത്തില് മുത്തമിട്ടത്.
നിശ്ചിത സമയത്തില് ടീമുകള് ഗോള്രഹിത സമനില പാലിച്ചതിനെ തുടര്ന്നാണ് ടൈബ്രേക്കര് വേണ്ടിവന്നത്. മികച്ച പ്രകടനം കാഴ്ചവെച്ചെങ്കിലും ടൂര്ണമെന്റില് രണ്ടുതവണ ടീമിനെ കൈപിടിച്ചുയര്ത്തിയഭാഗ്യം ഇത്തവണ ഇന്ത്യന് ബാങ്കിനെ കടാക്ഷിച്ചില്ല. 19-ാം മിനിട്ടിലും 88-ാം മിനിട്ടിലും രണ്ടുഷോട്ടുകള് പാഴായി. 42-ാം മിനിട്ടിെല ഫൗള് ഗോളും 72-ാം മിനിട്ടില് ജോണ് പോളിന്റെ ഗോള് ഓഫ്സൈഡ് വിഫലമാക്കിയതും ടീമിനു വിനയായി. ഷൂട്ടൗട്ട് റൗണ്ടില് സ്ടൈക്കര് സതീഷ്കുമാറിന്റെ ഗോള് ബാറില് തട്ടി പാഴായതാണ് ബാങ്കിന്റെ പരാജയത്തിന് വഴി തുറന്നത്. കെ.എസ്.ഇ.ബി. ഗോളി നെല്സന്റെ ഉശിരന് പ്രകടനം കൂടിയായ
പ്പോള് ഇന്ത്യന് ബാങ്ക് തോല്വിയുടെ രുചിയറിഞ്ഞു.
കെ.എസ്.ഇ.ബി.ക്കുവേണ്ടി ക്യാപ്റ്റന് നൗഷാദ് പ്യാരി, വി.വി.സുര്ജിത്, പ്രിന്സ് പൗലോസ്, ഡോണല് കെന്നി എന്നിവര് ഓരോ ഗോള് വീതം നേടിയപ്പോള് ഇന്ത്യന് ബാങ്കിനുവേണ്ടി ക്യാപ്റ്റന് ഇഗേ്നഷ്യസ് സതീഷിനും പ്രേംകുമാറിനും മാത്രമേ ലക്ഷ്യം കാണാന് കഴിഞ്ഞുള്ളൂ. ജോണ് പോളിന്റെ ഗോള് പാഴായി. അഞ്ച് ദിവസം നീണ്ടുനിന്ന ഫുട്ബോള് ആവേശങ്ങള്ക്ക് തിരശ്ശീല വീണു.
51 പവന് തൂക്കമുള്ള ഗോള്ഡന് കപ്പ് കെ.എസ്.ഇ.ബിയുടെ ക്യാപ്റ്റന് നൗഷാദ് പ്യാരി കളക്ടര് എ.ഷാജഹാനില് നിന്ന് ഏറ്റുവാങ്ങി. മേയര് അഡ്വ. രാജേന്ദ്ര ബാബു, ജില്ലാ പഞ്ചായത്ത് പ്രസിഡന്റ് അഡ്വ. കെ.സോമപ്രസാദ്, ഡെപ്യൂട്ടി മേയര് പ്രൊഫ.വെളിയം രാജന്, ഈസ്റ്റ് സി.ഐ വിജയന് എന്നിവര് മുഖ്യാതിഥികളായിരുന്നു.
(മാതൃഭൂമി വാര്ത്ത)
