രാഷ്ട്രീയ നിറം നോക്കി മാനദണ്ഠങ്ങള്ക്ക് വിരുദ്ധമായി ജീവനക്കാരെ സ്ഥലം മാറ്റിയ കെ.എസ്.ഇ.ബി കൊല്ലം ഇലക്ട്രിക്കല് സര്ക്കിള് ഡപ്യൂട്ടി ചീഫ് എന്ജിനീയറുടെ ഉത്തരവ് പിന്വലിക്കണമെന്ന് ആവശ്യപ്പെട്ട വര്ക്കേഴ്സ് അസോസിയേഷന് നേതാക്കളെ പോലീസ് അറസ്റ്റ് ചെയ്തു നീക്കി. സംസ്ഥാന വൈസ് പ്രസിഡന്റ് അജയകുമാര്, ജോയിന്റ് സെക്രട്ടറി ജയശ്രീ, സംസ്ഥാന കമ്മിറ്റി അംഗങ്ങളായ ഹരിലാല്, ജേക്കബ് ജോണ്, ഡിവിഷന് സെക്രട്ടറിമാരായ അന്സാര് ബാബു, അനില്കുമാര്, സാബു എന്നിവര് ഉള്പ്പെടെ 14 ജീവനക്കാരെയാണ് ഈസ്റ്റ് എസ്.ഐയുടെ നേതൃത്വത്തില് അറസ്റ്റ് ചെയ്തത്. അന്യായ സ്ഥലം മാറ്റ ഉത്തരവ് പിന്വലിക്കും വരെ ശക്തമായ പ്രക്ഷോഭം തുടരുമെന്ന് വര്ക്കേഴ്സ് അസോസിയേഷന് സംസ്ഥാന വൈസ് പ്രസിഡന്റ് സി.അജയകുമാര് പറഞ്ഞു.
No comments:
Post a Comment