സമീപ ഭാവിയില്‍ കേരളം അഭിമുഖീകരിക്കാന്‍ പോകുന്ന രൂക്ഷമായ വൈദ്യുതി ക്ഷാമത്തില്‍ നിന്ന് രക്ഷ നേടുന്നതിനായി ആവിഷ്കരിച്ച അതിരപ്പള്ളി, ചീമേനി തുടങ്ങിയ വൈദ്യുത പദ്ധതികള്‍ അട്ടിമറിക്കുന്നതിനെതിരെ കരുനാഗപ്പള്ളി ഇലക്ട്രിക്കല്‍ ഡിവിഷന് മുന്നില്‍ വര്‍ക്കേഴ്സ അസ്സോസിയേഷന്റെ നേതൃത്വത്തില്‍ പ്രതിഷേധ യോഗം നടത്തി. അതിരപ്പള്ളി ജലവൈദ്യുത പദ്ധതി പരിസ്ഥിതിക്ക് മിതമായ രീതിയില്‍ മാത്രമേ കോട്ടം വരുത്തുകയുള്ളൂ എന്ന് പഠനങ്ങളിലൂടെ ബോധ്യപ്പെട്ടിട്ടുള്ളതാണ്. എങ്കിലും കേന്ദ്ര പരിസ്ഥിതി മന്ത്രി ജയറാം രമേശ് മുന്‍ വിധിയോടെ പദ്ധതിക്കെതിരെ നടത്തുന്ന നീക്കങ്ങളില്‍ യോഗം പ്രതിഷേധിച്ചു. സ.അന്‍സര്‍ബാബു, സ.ജയശ്രീ, സ.ഹരിലാല്‍ എന്നിവര്‍ സംസാരിച്ചു.
