ഇടത് സഹകരണ മുന്നണി സ്ഥാനാർത്ഥികളെ വിജയിപ്പിക്കുക
മാന്യസഹകാരികളെ,
കൊല്ലം ജില്ലാ ഇലക്ട്രിസിറ്റി ബോർഡ് എം‌പ്ലോയീസ് സഹകരണസംഘത്തിന്റെ (ക്ലിപ്തം 232) ഭരണസമിതി തെരഞ്ഞെടുപ്പ് 2015 ഫെബ്രുവരി 21ന് രാവിലെ 9 മണി മുതൽ വൈകിട്ട് 4 മണി വരെ കൊല്ലത്ത് നടക്കുകയാണ്. നമ്മുടെ സൊസൈറ്റി അഭിമാനകരമായ
നേട്ടങ്ങളിലൂടെ ഇലക്ട്രിസിറ്റി തൊഴിലാളികളുടെ സംസ്ഥാനത്തെ പ്രധാനപ്പെട്ട സൊസൈറ്റികളിൽ
ഒന്നായി വളർന്നു കഴിഞ്ഞു. ഇടത് സഹകരണ മുന്നണിയുടെ ഭരണസമിതികളുടെ
തുടർച്ചയായും ചിട്ടയുമായുള്ള പ്രവർത്തനങ്ങളിലൂടെയാണ് സൊസൈറ്റിക്ക് ഈ നേട്ടങ്ങൾ കൈവരിക്കാൻ
കഴിഞ്ഞതെന്ന് എതിരാളികൾ പോലും അംഗീകരിക്കുന്നതാണ്. സഹകാരികളുടെ
ധനപരമായ എല്ലാ ആവശ്യങ്ങളും നിർവഹിക്കപ്പെടാനുള്ള സംഘത്തിന്റെ പ്രവർത്തനം പൂർണതയിൽ എത്തിക്കൊണ്ടിരിക്കുന്നു.
ഇലക്ട്രിസിറ്റി ബോർഡിന്റെ സാമ്പത്തിക പ്രതിസന്ധി മൂലം ജീവനക്കാരുടെ ആനുകൂല്യങ്ങൾ
ലഭിക്കാതെ വൈകുന്ന അവസരങ്ങളിൽ ജീവനക്കാർക്ക് സാമ്പത്തിക ആശ്വാസം നൽകുന്ന സ്ഥാപനമായി ഈ സൊസൈറ്റിയെ വളർത്താൻ കഴിഞ്ഞതിൽ സഹകാരികൾക്ക് നന്ദി രേഖപ്പെടുത്തുന്നു. ഏതൊരംഗത്തിനും കക്ഷി രാഷ്ട്രീയ വ്യത്യാസമില്ലാതെ
പരാതി രഹിതവും സുതാര്യവുമായി സാമ്പത്തിക ഇടപാടുകൾ നടത്താൻ കഴിയുന്ന സൊസൈറ്റിയായി നമ്മുടെ
സംഘം മാറിയിട്ടുണ്ട്. 47 കോടി രൂപ നിക്ഷേപമുള്ള സംസ്ഥാനത്തെ സ്പെഷ്യൽ
ഗ്രേഡ് ക്ലാസ് 1 സൊസൈറ്റിയായി ഉയർത്താൻ കഴിഞ്ഞത് ഇടത് സഹകരണ മുന്നണിയുടെ
തുടർച്ചയായ ഭരണസമിതികളുടെ പ്രവർത്തനം മൂലമാണെന്ന് അഭിമാനപൂർവം പറയാൻ കഴിയും.
47 കോടി രൂപ നിക്ഷേപത്തിൽ 41 കോടിയും വായ്പയായി അംഗങ്ങൾക്ക് വിതരണം
ചെയ്യുവാൻ കഴിഞ്ഞു. സുഗമ വായ്പ, ആശ്വാസ്
ലോൺ തുടങ്ങിയ വിവിധ രൂപത്തിലുള്ള വായ്പാ സംവിധാനങ്ങൾ സംഘം പുതിയതായി തുടങ്ങിവരുന്നു.
സ്പെഷ്യൽ ഗ്രേഡ് ക്ലാസ് 1 ആയി സൊസൈറ്റി ഉയർന്ന
അവസരത്തിൽ നടത്തുന്ന ഈ തെരഞ്ഞെടുപ്പിൽ അഭിമാനപൂർവം ഇടത് സഹകരണ മുന്നണി നിങ്ങളുടെ അംഗീകാരത്തിനായി
സർഗശേഷിയും കർമശേഷിയുമുള്ള 11 സ്ഥാനാർത്ഥികളെ മത്സരിപ്പിക്കുന്നു.
നമ്മൾ ആർജ്ജിച്ച എല്ല്ലാ നേട്ടങ്ങളും നിലനിർത്തുവാനും
സംഘത്തെ ഇനിയും കൂടുതൽ പുരോഗതിയിലേക്ക് നയിക്കുവാനും ഈ പാനലിലുള്ള മുഴുവൻ സ്ഥാനാർത്ഥികളെയും
വമ്പിച്ച ഭൂരിപക്ഷത്തിൽ വിജയിപ്പിക്കുവാൻ അഭ്യർത്ഥിക്കുന്നു.
കൺ‌വീനർ ചെയർമാൻ
പി.മുരളീധരൻ എൻ.ആർ.അനി
കരുത്തോടെ, കരുതലോടെ പുതിയ ലക്ഷ്യങ്ങളിലേക്ക്
നേട്ടങ്ങൾ
1.
സൊസൈറ്റി ഉയർന്ന ക്ലാസിഫിക്കേഷനിലേക്ക് (ക്ലാസ്
1 സ്പെഷ്യൽ ഗ്രേഡ്)
2.
എമർജൻസി വായ്പ 25000 രൂപയായി ഉയർത്തി.
3.
വായ്പകൾക്ക് റിസ്ക് ഫണ്ട് പരിരക്ഷ.
4.
5 ലക്ഷം രൂപ വരെയുള്ള ഗ്രൂപ്പ് ഡെപ്പോസിറ്റ് സ്കീം.
5.
റിക്കറിംഗ് ഡെപ്പോസിറ്റ് സ്കീം
6.
തുടർച്ചയായി ഉയർന്ന ഡിവിഡന്റ് അംഗങ്ങൾക്ക് വിതരണം ചെയ്യുന്നു.
7.
നിക്ഷേപത്തിലും ആസ്തിയിലും വലിയ വർദ്ധന (47 കോടി നിക്ഷേപം, 41 കോടി വായ്പ)
8.
ലളിതവും സുതാര്യവുമായ മികച്ച സേവനം
9.
സ്വന്തം ജാമ്യത്തിൽ 2 ലക്ഷം രൂപാ വരെ സുഗമ വായ്പ
10.
മെഡിക്കൽ വായ്പ 60,000 രൂപയായി ഉയർത്തി
11.
കമ്പ്യൂട്ടർ വായ്പ 30,000 രൂപ
12.
കൊട്ടാരക്കര ബ്രാഞ്ചിന്റെ ബാങ്ക് തല നടപടികൾ പൂർത്തീകരിച്ച് സഹകരണ
വകുപ്പിന്റെ അനുവാദത്തിനായി സമർപ്പിച്ചു.
13.
വിദ്യാഭ്യാസ വായ്പ 25,000 രൂപ
14.
ജോലിക്കിടെ അപകടമുണ്ടായാൽ പലിശരഹിത വായ്പാ പദ്ധതി “ആശ്വാസ്” തുടങ്ങിവച്ചു
15.
സാധാരണ വായ്പ 8 ലക്ഷം രൂപയായി വർദ്ധിപ്പിച്ചു.
16.
എല്ലാ മാസവും കൊട്ടാരക്കരയിൽ സൊസൈറ്റിയുടെ സേവനം ലഭ്യമാക്കി.
ഇടത് സഹകരണ
മുന്നണി സ്ഥാനാർത്ഥികളെ വിജയിപ്പിക്കുക.
