2010 സെപ്തംബര് 7 ന് രാജ്യത്തെ പ്രധാനപ്പെട്ട ട്രേഡ് യൂണിയനുകളായിട്ടുള്ള സി.ഐ.ടി.യു, എ.ഐ.ടി.യു.സി, ഐ.ഐ .ടി.യു.സി, യു.ടി.യു.സി, എച്ച്.എം.എസ്, ടി.യു.സി.സി, എ.ഐ.സി.സി.ടി.യു, എല് .പി.എഫ് തുടങ്ങി 9 സംഘടനകള് രാജ്യവ്യാപകമായി പണിമുടക്കാന് 2010 ജൂലൈ 15ന് ന്യൂഡല്ഹിയില് ചേര്ന്ന വിവിധ ട്രേഡ് യൂണിയനുകളുടെയും ജീവനക്കാരുടെയും സംയുക്ത യോഗം തീരുമാനിച്ചിരിക്കുകയാണ്.
വിലക്കയറ്റം തടയണമെന്ന് ട്രേഡ് യൂണിയനുകള് ആവര്ത്തിച്ച് ആവശ്യപ്പെട്ടിട്ടും പ്രത്യേകിച്ച് ഭക്ഷ്യധാന്യങ്ങളുടെ വില നിയന്ത്രിക്കുന്ന കാര്യത്തില് കേന്ദ്ര ഗവന്മേന്റ്റ് നടപടികള് സ്വീകരിക്കുന്നില്ല. ഭക്ഷ്യധാന്യങ്ങളുടെ വില 17 % വര്ധിച്ചതും പണപ്പെരുപ്പം രണ്ടക്ക സംഖ്യ ആയതും തൊഴിലാളികളെ കൂടുതല് കഷ്ടത്തിലാക്കി. തുടര്ച്ചയായ തൊഴില് നിയമ ലംഘനവും ട്രേഡ് യൂണിയന് അവകാശ ലംഘനവും നടക്കുന്നതിനാല് സംഘടനകള് അഗാധമായ ഉത്കണ്ഠ പ്രകടിപ്പിച്ചുവെങ്കിലും ഇത് രണ്ടും കൂടുതല് രൂക്ഷമായി തുടരുകയാണ്.
തൊഴിലാളികളുടെ ജോലി നഷ്ടപ്പെടല്, കൂലിക്കുറവ്, മോശമായ ജീവിത സാഹചര്യങ്ങള്, ജോലി സമയം വര്ധിപ്പിക്കല്, അമിതമായ കോണ്ട്രാക്റ്റ്വല്ക്കരണം സ്ഥിരം ജോലി ഒഴിവാക്കലും പുറം കരാര് നല്കലും, മനുഷ്യത്വ രഹിതമായ ചൂഷണം എന്നിവ സംബന്ധിച്ച് ട്രേഡ് യൂണിയനുകള് എതിര്പ്പ് ഉന്നയിചിരുന്നുവെങ്കിലും ആ പ്രശ്നങ്ങള് ഒന്നും പരിഹരിക്കപ്പെട്ടില്ല.
ലാഭത്തില് പ്രവര്ത്തിക്കുന്ന പൊതുമേഖലാ സ്ഥാപനങ്ങളുടെ ഓഹരി വിറ്റഴിക്കലിന്റെ വിനാശകരമായ നയം സര്ക്കാര് നിര്ബാധം തുടരുകയാണ്. കോള് ഇന്ത്യാ ലിമിടഡ്, ബി.എസ്.എന്.എല്, സെയ്ല്, എന്.എല്, സി, ഹിന്ദുസ്ഥാന് കോപ്പെര്, എന്.എം.ഡി,സി, എന്.ടി.പി.സി, പവര്ഗ്രിഡ് കോര്പറേഷന് തുടങ്ങിയവയുടെ ഓഹരികളാണ് ഒടുവില് വിറ്റഴിച്ചത്.
യാതൊരു പരിമിതിയും കൂടാതെ അസംഘടിത മേഘലാ തൊഴിലാളികള്ക്കായി സമഗ്രവും സാര്വത്രികവുമായ സാമൂഹ്യ സുരക്ഷാ പദ്ധതി നടപ്പാക്കുന്നതിനാവശ്യമായ വിപുലമായ ക്ഷേമ ഫണ്ട് രൂപീകരിക്കണമെന്ന് ട്രേഡ് യൂണിയനുകള് ഒറ്റക്കെട്ടായി ആവശ്യപ്പെട്ടിട്ടും നാമമാത്രമായ ഫണ്ട് മാത്രമേ അനുവദിച്ചിട്ടുള്ളൂ. പരിമിതപ്പെടുത്താനുള്ള വ്യവസ്ഥകള് തുടരുന്നുമുണ്ട്.
ട്രേഡ് യൂണിയനുകളുടെ പ്രതിഷേധത്തെ അവഗണിക്കുന്നുവെന്ന് മാത്രമല്ല ഭകഷ്യ ധാന്യങ്ങളുടെ വിലവര്ധനവിന്റെ വേഗത കൂടുന്ന നയങ്ങളുമായി എതിര്പ്പുകള് വക വെയ്ക്കാതെ സര്ക്കാര് മുന്നോട്ട് പോകുകയാണ്. അന്താരാഷ്ട്ര വിപണിയുമായി ബന്ധപ്പെടുത്തിക്കൊണ്ട് പെട്രോളിയം വില നിശ്ചയിക്കുന്നതിന് നിലവിലുള്ള ഗവന്മേന്റ്റ് നിയന്ത്രണം നീക്കം ചെയ്തത് വഴി പെട്രോളിന്റെയും ഡീസലിന്റെയും പാചക വാതകത്തിന്റെയും വിലകള് കുത്തനെ വര്ധിപ്പിക്കുന്നതിന് ഇടവരുത്തി. ഊര്ജ മേഖലയും കമ്പോള ശക്തികള്ക്ക് കയ്യടക്കുന്നതിനുള്ള നയങ്ങളും നടപടികളുമാണ് കേന്ദ്ര സംസ്ഥാന റെഗുലെറ്ററി കമ്മിറ്റികള് അടക്കം ആ രംഗത്ത് നടപ്പാക്കുന്നത്.
Lal Salam Comrades
ReplyDelete